內容整理：野花｜剪片：地火
關於「規則」
社會入面，唔同場所都有一套規則，規則大多數由掌握較多權力者制定，而學校嘅規矩，自然由校方釐定。
我哋揀選咗《解禁釋髮》髮禁討論會入面，中學生林澤駿（Nathan）、黃永熙（Oscar）就校規提出嘅反思：
1）究竟點解我哋要服從校規，同埋違規後嘅懲處？
2）服從係因為權威，定係理解規則背後嘅意義？老師作為執行校規嘅人，實際上又係點樣運用權力；
3）校規同性別定型嘅有咩關係，同埋父權主義點樣剝奪男女性嘅自由
4）佢哋會點樣應對不合理校規？
「女仔應該要點」、「男仔應該要點」，你有冇諗過，其實自己鍾意啲咩？
▼ 「個性」 堂 101 ▼
《解禁釋髮》髮禁討論會入面，浸會大學學者黃結梅（Day）運用美國性別學者朱迪斯·巴特勒 (Judith Butler) 提出嘅「異性戀矩陣」(Heterosexual Matrix)，簡單解釋「異性戀中心」嘅諗法點樣限制個人嘅發展空間：
▲ 首先，咩係「異性戀矩陣」？
▲ 學校嘅校規，同「異性戀矩陣」有咩關係？
▲「異性戀矩陣」要求嘅「一致性」，點樣凌駕我哋成長過程中發展嘅「個性」？
▼ 跨性別人士與校服 ▼
《解禁釋髮》髮禁討論會入面，性別服務組織社工曾晴（晴晴）、浸會大學性別學者黃結梅（Day）通過分享跨性別人士個案，解釋喺重要嘅成長階段中，當校服規條無視個人需要、多元性別，可以對一個群體造成幾大傷害。
「跨性別」一直係重要嘅公共議題，然而，討論往往充斥對跨性別人士嘅敵視、嘲笑，我哋有冇真正了解過香港跨性別群體嘅狀況？
相關資源：
- 【性別承認法公聽會】過半跨性別有自殺念頭 四成高學歷者月入僅六千｜孫耀東教授（ @gdottv 2017年）
- 「是非男女」第五冊：跨兒故事（2019年）
發佈留言